主页> > Q生活客 >小食的意义! 饮饱唔肚饿﹣ 维他奶 黑朱古力窝夫味 试饮报告 >

小食的意义! 饮饱唔肚饿﹣ 维他奶 黑朱古力窝夫味 试饮报告


2020-07-07

小食的意义係乜?应该都不碍乎以下两个情况:1)个肚空空地想食少少野过口瘾,2)过多阵会食正餐,但肚饿唯有食小食顶下肚先。咁,如果有样过口瘾之余,又饱肚,点睇呢?新假期之前齐齐试饮过 维他奶 两大新产品,但原来一浪真係会接一浪,新出品係黑朱古力窝夫味,你试咗未?

如果你谂住「咪又係朱古力奶…」少年,你太年轻了…又点会咁易俾你估到。今次黑朱古力窝夫味都係「饮得到嘅小食」系列之一,喺了解佢到底好唔好饮、似唔似黑朱古力窝夫味之前,先了解下佢嘅成份,话唔定睇得出啱唔啱你饮!

小食的意义! 饮饱唔肚饿﹣ 维他奶 黑朱古力窝夫味 试饮报告
新产品同样以小食为题,到底黑朱古力窝夫得唔得?

维他奶 – 黑朱古力窝夫味 成份拆解!

同好多奶类饮品一样,製造成份都有大豆、糖、可可粉等,今次产品仲有大麦粉、燕麦粉及榛子酱。据官方数据指,营养含量都ok,例如蛋白质达到9克以上,比中型蓝莓鬆饼多。饮品标明不含胆固醇同反式脂肪,好似几健康。不过健康未必会好饮,到底新饮品味道係点?

小食的意义! 饮饱唔肚饿﹣ 维他奶 黑朱古力窝夫味 试饮报告
标明係零胆固醇及反式脂肪,好似几健康。

相比其他牌子朱古力奶,黑朱古力窝夫维他奶相对朱古力味无咁浓,有好轻微嘅苦涩味(真係好轻微,怕食黑朱古力嘅朋友唔驶俾个名吓怕),口感亦比原味较稀,单係以呢个口感都算做到「食小食」嘅意义。最有趣嘅地方係除咗朱古力味,饮品真係做到有窝夫味,或者讲係窝夫饼底嘅味道。

小食的意义! 饮饱唔肚饿﹣ 维他奶 黑朱古力窝夫味 试饮报告

平时编辑部同事真係咩都够胆试,由食物到必妆品…男扮女装都有,今次试黑朱古力窝夫味饮品,真係无难度,六名大将冲出嚟试饮睇下佢做唔做到「小食的意义」。

测试员1号:Terry

小食的意义! 饮饱唔肚饿﹣ 维他奶 黑朱古力窝夫味 试饮报告

「以前都有饮过同牌子的朱古力豆奶,今次呢款明显较浓郁,可可味同豆味之外仲饮到少少nuts的味道,同埋算几饱肚,通顶时顶肚都得!」

味道:4.5/5

外观:4/5

甜度:4.5/5

翻饮度:4/5

测试员2号:Mandy

小食的意义! 饮饱唔肚饿﹣ 维他奶 黑朱古力窝夫味 试饮报告

「都似朱古力奶味,不过多咗阵麦味,而且比较稠,饮一包已经非常饱肚,赶时间返工食唔切早餐嘅时候,饮返包就最啱喇。」

味道:4/5

甜度:2/5

翻饮度:3.5/5

测试员3号:Sam

小食的意义! 饮饱唔肚饿﹣ 维他奶 黑朱古力窝夫味 试饮报告

「我觉得黑朱古力味几浓,有微微豆味,但窝夫味不太强,甜度刚好唔觉腻,饮完成包觉得几饱。」

味道:4/5

甜度:3/5

翻饮度:4/5

测试员4号:Owen

小食的意义! 饮饱唔肚饿﹣ 维他奶 黑朱古力窝夫味 试饮报告

「试饮这个黑朱古力窝夫前,发现网上朋友评价两极,所以事前做足心理準备。先讲味道,我觉得有强烈朱古力味,然后会饮到点点的烤香味道,相信就是窝夫的味。它的口感特别厚,同时够顺滑。厚重口感令它相当饱肚,绝对可以令你减少食小食的口瘾。」

味道:4/5

甜度:2/5

翻饮度:3/5

测试员5号:祥

小食的意义! 饮饱唔肚饿﹣ 维他奶 黑朱古力窝夫味 试饮报告

「一向锺意饮纯朱古力味,所以觉得新product大幅减少咗浓浓嘅朱古力味,味道近朱古力味豆奶。由于唔係好浓,所以感觉亦不太甜,但一入你就 feel到同朱古力味好balance嘅窝夫味,不多不少,所以一饮就觉得好有食小食嘅感觉。

至于窝夫味,其实味道係同饼底一样嘅味道,只要你一边饮一边幻想,其实係可以似鸡蛋仔、格仔饼之类,好得意。

饮完之后,其实都有轻微饱肚嘅感觉,但又未至于饱到成晚食唔到晚饭,都算掌握得到『小食的意义』饱肚嘅程度。」

味道:3/5

甜度:2/5

翻饮度:4/5

测试员6号:Katie

小食的意义! 饮饱唔肚饿﹣ 维他奶 黑朱古力窝夫味 试饮报告

「今次呢款朱古力窝夫味,入口朱古力味都浓郁,甜度适中。喺咪完全饮得出窝夫味呢?我就认为未必,不过饮耐啲,会饮到燕麦味,相对饮纯朱古力味饮品就会多一点点层次。」

味道:4/5

甜度:3.5/5

翻饮度:4/5


上一篇:

下一篇: